1,409 Бардыгы /

Кыргызстандын футбол боюнча улуттук курама командасынын жарым коргоочусу Турсунали Рустамов Тажикстандын жогорку лигасында ойногон «Худжанд» клубу менен бир жылга келишим түздү. Бул тууралуу Кыргызстандын футбол федерациясы билдирди.

Рустамовдун айтымында, алгач ал Өзбекстандын «Анжиян» клубу менен келишим түзүү үчүн Ташкентке барып, бирок келишимдин шарттары боюнча бир пикирге келе албай калышкан.

«Ошол учурда Ташкентте окуу машыгуусунда жүргөн «Худжанд» клубунда ойноо сунушу түштү. Ал жактан жаңы клуб үчүн самарканддык «Динамо» менен болгон оюнга чыгып, беттештин башталышында гол киргиздим. Командада мыкты футболчулар чогулган. Алардын көбүн тааныйм, ошол себептен жакшы тосуп алышты. Март айында аталган клуб АФК кубогунда оюндарын баштайт», — деди футболчу.

«Худжанд» 1992-жылдан бери Тажикстандын жогорку лигасында ойнойт. Ал былтыркы сезондун жыйынтыгында чемпионатта экинчи орун алып, алтынчы жолу өлкөнүн вице-чемпиону болгон. 6чы жана 13-мартта «Худжанд» клубу АФК кубогунун плей-оффтук оюндарынын алкагында «Алай»-«Ахал» командаларынын ортосундагы беттештин жеңүүчүсү менен ойнойт.

www.