1,348 Бардыгы /

НЬЮ-ЙОРК. Кыргызстандын Бириккен Улуттар Уюмундагы (БУУдагы) туруктуу өкүлү Миргүл Молдоисаева Нью-Йорк шаарына БУУнун Эл аралык Модел иш-чарасына катышуу үчүн келишкен Мексиканын мектептеринин окуучулары менен жолугушту.

            Жолугушуу маалында Миргүл Молдоисаева Кыргызстандын БУУ менен ар түрдүү алкактагы байланышы туурасында кең-кесири баяндап, Адам укугу, Туруктуу өнүгүү, мамлекеттер аралык карым-катыш жана диалог жөнүндө дагы айтып берди. Кеп арасында Кыргызстанды 2040-жылга дейре Туруктуу Өнүктүрүү Программасынын жүзөгө ашырылышы туурасында өзүнчө  сөз кылды.

            Ошондой эле Кыргызстандын Бириккен Улуттар Уюмундагы (БУУдагы) туруктуу Өкүлчүлүгүнүн кызматкерлери БУУнун Коопсуздук Кеңешинде, комитеттеринде жана Тынчтыкты камсыз кылуучу иш-чараларында Кыргызстандын Бириккен Улуттар Уюмундагы (БУУдагы) туруктуу Өкүлчүлүгүнүн аткарып жаткан иштери жөнүндө дагы фактылар менен баян этишти.

Алишер ТОКСОНБАЕВ, өз кабарчы