3,256 Бардыгы /

Шейшембиде АКШ президенти Дональд Трамп Йемендин басымдуу бөлүгүн ээлеп алган хуситтерге каршы күрөшүп жаткан эл аралык коалицияга америкалык аскер жардамын берүүнү токтотууга чакырган Конгресстин резолюциясына вето койду.

Сауд Арабия жетектеген коалиция 2015-жылы хуситтерге каршы аскердик кампания баштаган. Анын жыйынтыгында карапайым калк арасында курмандыктар көп болуп жатканын жүйө келтирүү менен америкалык мыйзам чыгаруучулар согуш болуп жаткан аймактан америкалык аскер кызматкерлерин алып чыгып кетүүнү, коалицияга жардам берүүнү токтотууну талап кылышкан. Бирок Трамп АКШ коалицияга мүчө өлкөлөрдө жашаган 80 миң америкалык жарандын коопсуздугун коргоп жатканын билдирген.

Сенатор-демократ Берни Сандерс Йемен жашоочулары бомбаларга эмес, гуманитардык жардамга муктаж экенин айтты. “Резолюция саудиялыктарга блокаданы алып таштап, Йеменге гуманитардык жардам жөнөтүү зарылдыгы жөнүндө белги берет”, – деди конгрессмен-демократ Роу Ханна.

Резолюциянын тарапташтарынын ветону аттап өтүүгө добуштары жетпейт.

www.