1,793 Бардыгы /

Бүгүн, 8-майда Таш-Кѳмүр ШИИБнин жетекчилиги Улуу Ата Мекендик согуштун ардагери Асанбек Жангиров аксакалдан кабар алышты. 95 жаштагы согуштун катышуучуна белектерин берип, тынч заманды алып келген баатырдыгына ыраазычылык билдиришти.

Асанбек аксакал милиция тарабынан кѳрсѳтүлгѳн сый-урматка ыраазычылыгын билдирип: «Форма кийип, менин ал-абалымды сурап келген жигиттерге рахмат. Сиздердин ишиңиздерде ийгиликтер болсун! Өлкѳбүздѳ тынчтык ѳкүм сүрүп, эч качан согуш болбосун. Кыргызстаныбыз ѳнүгүп-ѳссүн, сиздерге чоң рахмат» – деп батасын берди.

Улуу Ата Мекендик согуштун ардагери  Асанбек Жангиров 1924-жылы Талас областынын Ленинпол айылында жумушчунун үй-бүлѳсүндѳ туулган. 1931-жылы Таш-Кѳмүр шаарына келген. 1941-жылдан 1942-жылдын 7-сентябрына чейин комсомол бригадасында бригадир болуп эмгектенген. 1942-жылы Таш-Кѳмүр аскер комиссариаты тарабынан Улуу Ата Мекендик согушка чакырылган. Ошол жылдын 29-сентябрында Саратов шаарына түшүп, кийин Пугачев шаарына жѳнѳтүлүп №64 мотоаткычтар бригадасынын аскердик кампасын кайтарган. 1943-жылдын июнь айында Воронеж областынын №55 аткычтар двизиясына жѳнѳтүлгѳн. Согуш аяктагандан ушул күнгѳ чейин Таш-Кѳмүр шаарында туруктуу жашап келген.

Мамлекеттик сыйлыктары:

– И. В. Сталин медалы

– Жеңишке 25, 30, 40 жыл медалы

– Г. Жуков медалы  

– Улуу Ата Мекендик согуш медалы

– Эмгек ордени

– Гвардия ордени

– Интернационалист жоокер ордени

Жалал-Абад ОИИБ басма сөз кызматы