619 Бардыгы /

    УФА. Кыргыз Республикасынын Орусиядагы Элчиси Аликбек Жекшенкулов Башкортстан Республикасынын башкалаасы Уфа шаарында өткөрүлгөн «Время экспортировать» Эл аралык экинчи экспорт Форумуна катышты.

    Форумдун алкагында Кыргыз Республикасынын Орусиядагы Элчиси Аликбек Жекшенкулов Башкортстан Республикасынын башчысынын милдетин убактылуу аткаруучу Р.Хабиров, Башкортстан Республикасынын премьер-министринин орун басарынын милдетин аткаруучу – Өкмөттүн аппарат жетекчиси И.А.Тажитдинов, Башкортстан Республикасынын премьер-министринин орун басары – айыл чарба министри И.И.Фазрахманов, Уфа шаарынын мэри У.М.Мустафин, Башкортстан Республикасынын Соода-өнөр жай палатасынын төрагасы Т.А.Хакимов менен дагы жолугушту. Кездешүүлөрдүн жүрүшүндө Кыргыз-Башкыр республикаларынын ар тараптуу алакасы жөнүндө кеп жүрдү. Мындан тышкары Ош жана Уфа шаарларын туугандаштыруу жөнүндө келишимге дагы кол коюлду. Ошондой эле эки тараптуу Ишкердик Кеңешин жандандыруу жагы дагы каралды. Буга улай Кыргыз Элчиси Орусиянын мусулмандан Дин башкармалыгынын төрагасы Талгат Сафа Таджуддин менен дагы масилеттешти.

     Жолугушуу соңунда Кыргыз Республикасынын Орусиядагы Элчиси Аликбек Жекшенкулов Уфа шаарындагы Башкортостандын Элакыны Мустай Каримдин эстелигине гүлчамбар коюп, маркумга бащыштап куран окутту.

Алишер ТОКСОНБАЕВ, өз кабарчы