1,217 Бардыгы /

БАТКЕН. Кыргыз Өкмөтүнүн Баткен облусундагы ыйгарым укуктуу өкүлү Акрам Мадумаров Орусия Федерациясындагы  Кыргыз диаспорасынын алдындагы жеке ишкерлер Биримдигинин жана Баткен коомунун  өкүлдөрү менен жолугушту.  

Орусиялык мекендештерибиз Кыргыз-Тажик чек арасында орун алган окуяга байланыштуу аймактан  кабар алышып, жаралып жаткан көйгөйлөрдү так аныктап, жакындан жардам көрсөтүү үчүн атайын келишкен.  Жолугушуу маалында өлкө борборунан эң алыста, чек арада жайгашкан жаш облустун орчундуу делген көйгөйлөрү ачык эле талкууланып, аймактын социалдык-экономикалык жактан өнүгүүсү боюнча сын-сунуштар дагы айтылды. Тараптар  Баткендин күрүчү, өрүгү өңдөнгөн айыл чарба продукцияларын Орусия  мамлекетине байма-бай экспорттоо, аймакка инвестиция дагы тартуу, Орусиядагы мигранттардын биримдигин чыңдоо   боюнча кызматташууну дагы абдан катуу макулдашышты.

Соңунда Диаспоранын өкүлдөрү Баткен облустук ооруканасында жатышкан Кыргыз-Тажик чек арасында 22-июлда катталган окуяда жапа чегишкен жарандардан кабар алышып, аларга дагы өз жардамдарын көрсөтүштү.

Алишер ТОКСОНБАЕВ, өз кабарчы