1,274 Бардыгы /

РОСТОВ-НА-ДОНУ. Кыргыз Республикасынын Орусиядагы Элчилигинин жана Кыргыз Өкмөтүнө караштуу Миграция кызматынын Орусиядагы Өкүлчүлүгүнүн кызматкерлери Орусиянын Ростов-на-Дону шаарына эмгектенип жүрүшкөн мекендештери менен жолугушту.

Орусиянын Ростов облусунун Миграция боюнча башкармалыгынын жетекчилиги тарабынан Кыргызстандын жарандарына байланыштуу көйгөйлөр жок экендиги баса белгиленди. Ростов облусундагы чет өлкөлүк  жарандарды убактылуу кармоочу жайда 2019-жылдын 9-августуна карата Кыргызстандын жарандары жоктугу тууралуу дагы маалымат берилди. Ошондой эле Кыргыз жарандарына байланыштуу ар кандай маселелер жаралган мезгилде жетекчилик менен тыгыз байланышып туруу келишими дагы бекитилди. Бул сапардын жүрүшүндө Кыргыз Республикасынын Орусиядагы Элчилигинин жана Кыргыз Өкмөтүнө караштуу Миграция кызматынын Орусиядагы Өкүлчүлүгүнүн кызматкерлери мекендештерине эки тараптуу кызматташууну мындан ары бекемдөөдө жана Кыргызстандын жарандарынын укук жана кызыкчылыктарын коргоо багытында Элчиликтин ишмердүүлүгү туурасында кеңири маалымат беришип,Кыргыз диаспорасы менен биргеликте жасала турган иш-пландар туурасында дагы айтып беришти.  Мындан тышкары жолугушуунун катышуучуларына Кыргызстандын инвестициялык дарамети жана чет өлкөдөгүмекендештер арасындагы инвесторлор үчүн түзүлүп жаткан заманбап  шарттар тууралуу дагы маалымат берилди.

Жолугушуунун жүрүшүндө Кыргыз жарандарына укук жана консулдук маселелер боюнча кеп-кеңештер дагы берилди. Анын катышуучулары тийиштүү суроолоруна жеринде эле оң жоопторду алышты.  Ошол эле маалда айрым жарандардан консулдук документтери боюнча тиешелүү материалдар дагы кабыл алынды.

Алишер Токсонбаев, өз кабарчы