940 Бардыгы /

БАТКЕН. Аймактардагы ишкерлер үчүн Орус-Кыргыз өнүктүрүү фондунан Старт-Ап програмасынын негизинде насыяны түзүп алууга шарт түзүлүп олтурат. Аталган фонддун өкүлдөрү Кыргыз Өкмөтүнүн Баткен облусундагы ыйгарым укуктуу өкүлүнүн биринчи орун басары Жылдызбек Исакулов, өкүлдүн орун басары Чынара Саттарова жана жергиликтүү ишкерлер менен жолугушту.

Анткени, Орус-Кыргыз өнүктүрүү фондунан Старт-Ап программасынын негизинде  берилүүчү насыянын жалпы көлөмү 1 миллион долларды чапчыды. Же болбосо, пилоттук сыңары иргелип алынган Баткен, Нарын жана Талас облустарынын ар бирине 200 миң доллардан 350 миң долларга дейре каражат каралды. Бул мүмкүнүчүлүктөн пайдалануу үчүн ишкерлер буга чейин  фонддун ачык сынагына катышышты.

Ошентип, Баткен облусундагы жарандардын ишкердикти өнүктүрүү боюнча жазган  “Алыш-Дан-Органик” Айыл чарба кооперативи,”Агро Баткен” жана “Равшанбек” ишканаларынын долбоорлору атайын түзүлгөн комиссия тарабынан Кыргыз-Орус өнүктүрүү фондуна сунуш этилди. Эми Кыргыз-Орус өнүктүрүү фондунун белгиленген критерийлерине ылайыктуу долбоор тандалып, каржыланат.

Алишер Токсонбаев, өз кабарчы