КЫРГЫЗ ЭЛЧИСИ ОКИНАВА ПРЕФЕКТУРАСЫНА САПАРЛАДЫ

2,733 Бардыгы /

ОКИНАВА. Кыргызстандын Жапониядагы Элчиси М. Арстанбаев Окинава префектурасына сапарлады. Анын жүрүшүндө префектуранын губернатору Денни Тамаки, Наха шаарынын мэри Микико Сирома, Кюсю-Окинава аймактык иммиграциялык бюросунун башкы директору Хироши Кимизуки, Наха шаары боюнча иммиграциялык бюросунун Директору Мисима Нобухико, Окинаванын конвенциялар жана меймандар боюнча бюросунун Төрагасы жана префектуралык администрациянын туризм департаментинин өкүлдөрү, ошондой эле«Loisir Hotels Okinawa Co., Ltd»жана«The Terrace Hotels»компанияларынын (бул компанияларга таандык мейманканаларда Кыргыз жарандары иштешет) жетекчилиги менен жолугушту.

Жолугушуулардын жүрүшүндө Жапон тарабы ушул тапта турсттердин саны жылына 10 миллион кишини түзүп жаткандыгын, ал эми жергиликтүү калктын саны 1,4 миллион гана киши экендигин билдирди. Ушуга байланыштуу тейлөө чөйрөсү жумушчулардын жетишсиздигине дуушарланууда. Жапон тарабы Кыргыз бийлигинен жумушчу ресурстарды көбүрөөк даярдап, жөнөтүү боюнча иш алып барууну абдан суранды. Кыргыз Элчиси М. Арстанбаев Кыргызстандын демографиялык абалы, калктын сабаттуулугунун деңгээли, кесиптик жана жогорку окуу жайларынын мүмкүнчүлүктөрү, ошондой эле Жапонияда иштөө үчүн кадрларды даярдоо боюнча Кыргыз Республикасынын Элчилиги жана тийиштүү ведомстволору тарабынан жүргүзүлүп жаткаништер туурасында кеңири баян этти.Мындан тышкары эки тараптуу экономикалык жана маданий-гуманитардык кызматташтыктын учурдагы абалы жана жакынкы келечеги жөнүндө дагы кепкурду.Бир катар демилгелерди көтөрүү менен бирге Кыргыз Элчиси префектуранын жетекчилигин Кыргыз Республикасына чакырып, анын жүрүшүндө жергиликтүү бийликтер, окуу жайлар жана ишкерелер менен жолугушууларды уюштуруп берүү даяр экендигин дагы кошумчалады.

Окинава префектурасында турган Кыргыз Республикасынын жарандарына консулдук каттоону, Кыргыз Республикасынын мамлекеттик органдары тарабынан берилген документтерди легализациялоо жана ар кандай консулдук маселелер боюнча кеп-кеңеш берүүнү камтыганконсулдуккызматтар дагы көрсөтүлдү.

Ушул эле күнү Кыргыз ЭлчисиМ. Арстанбаев Кыргыз жумушчуларын Жапонияда жумушка кабыл алууну уюштуруучу «Relationship» компаниясы тарабынан өткөрүлгөн Кыргыз жарандарына арналган аземге дагы катышты. Андан соң элчи М. Арстанбаев аталган компания Кыргызстандан келген жумушчулар үчүн куруп берген жатакананы бир сыйра кыдырды.