1,828 Бардыгы /

Жалал-Абад шаарында мамлекеттик архивинде документтер 100%га толуп, кошумча архив сактоочу имарат куруу зарылдыгы коллегияда көйгөйлүү маселе катары көтөрүлдү.

Үстүбүздөгү жылдын 6 айында Жалал-Абад областы боюнча мекеме ишканалардан 2 миң 568 көктөмөлөр анын ичинен 956 облмамархивге, ал эми райшаарархивдерине 1 612 туруктуу сакталуучу көктөмөлөр мамлекеттик сактоого кабыл алынган. Ошондой эле башкаруу документтери боюнча 3 миң 893 көктөмө, өздүк курам боюнча 743 көктөмө бекитилген. Бул тууралуу Өкмөттүн Жалал-Абад областындагы өкүлчүлүгүнүн аппаратынын жарым жылдык коллегиясында айтылды. Негизги көйгөйлөрдүн бири катары Жалал-Абад шаарында архив үчүн кошумча имарат муктаж болуп жаткандыгы айтылды.

Кошумчалай кетсек, үстүбүздөгу жылдын 6 айында Таш-Көмүр шаардык мамлекеттик архиви өзүнүн имаратын капиталдык ремонттон өткөрүүгө жетишкен. Алар жергиликтүү уюмдар менен иш жүргүзүп ПС ГЭС ишканасы тарабынан 8 стеллаж койдурууга, Шаардык эмгек жана социалдык ѳнүгүү башкармалыгы тарабынан 36 000 сом акча каражатын бөлдүрүү менен короосунун тосмолорун тургузууга жетишип, архив жаӊы имаратка көчүшкөн.

Роза АКМАТЖАН кызы, “Аймак”