986 Бардыгы /

Базар-Коргон районунан 2, Токтогул районунан 2 мектеп акредитациядан өтпөй калды, аларга 1 жылдык мөөнөт берилди.

Былтыркы 2018-2019-окуу жылында Жалал-Абад областынын аймагындагы 416 мектеп Билим берүү жана илим министрлигинин жалпы билим берүүчү мектептерди аккредитациядан өткөрүү жобосуна ылайык текшерилген. Алар эми 5 жылдык мөөнөт менен акредитациядан өтүштү. Тилекке каршы, Базар-Коргон районунан 2 мектеп,Токтогул райондорунан 2 мектеп аккредитациядан өтпѳй, шартуу түрдѳ 1 жылдык мѳѳнѳткѳ калып калышкан. Бул тууралуу областтык коллегияда айтылды.

Ал эми областтын аймагындагы 23 мектеп-гимназиялары, лицей-мектептери аккредитациядан өз мезгилинде өтүштү.

Кошумчалай кетчү жагдай, аталган окуу жылынын жыйынтыгы менен жалпы билим берүүчү мектептердин окуучуларынын билим сапатын 53,5 пайызды түзгөн. Бул ѳткѳн жылга салыштырмалуу 0,4 пайызга жогорулаганын билдирет.

Эске сала кетсек, Жалал-Абад областында 474 жалпы билим берүү мектептерде жалпы 226 миң 205 окуучу билим алат.

Роза АКМАТЖАН кызы, “Аймак”