2,109 Бардыгы /

Бүгүн, 20-августта Жалал-Абад шаарында муктаж үй-бүлөнүн балдарына окуу куралдарын алып берүү үчүн акция болуп өттү. Ал Кызыл Ай коомдук фонду тарабынан уюштурулган.

Бул тууралуу аталган коомдун ыктыярчылар бөлүмүнүн координатору Шахзада Раманкулова билдирди:

“Биздин коомдун алдында түзүлгөн тигүү цехи бар. Ал жерде  сумкаларды тигип, ыктыярчылар эл аралап сатышты. Топтолгон каражатка муктаж болгон үй-бүлөлөрдүн балдарына окуу куралдарын, сумкаларын алып беребиз. Бизге Жалал-Абад шаарынан 6 бала кайрылган. Алар ата-энеси жоктугуна байланыштуу туугандарынын колунда. Аларды камсыз кылуу үчүн да туугандарынын шарты жок”-дейт Ш. Раманкулова.

Анын айтымында бүгүнкү күнү 20 дан ашык сумканы 50 сомдон сатышкан. Андан сырткары дасторкондорду да сатыкка чыгарган. Буга чейин дагы ушундай акцияларды өткөрүп келишкен.

Акылай КАРАБАЕВА, “Аймак”