855 Бардыгы /

БИШКЕК. Кыргыз Республикасынын Президенти Сооронбай Жээнбеков Кувейт Мамлекетинин Эмиринин кеңешчиси Абдулла Аль Маатукту кабыл алды. Анын жүрүшүндө эки тараптуу кызматташтыктын азыркы абалы жана келечеги тууралуу пикирлер алмашылды.

Мамлекет башчысы Сооронбай Жээнбеков Кувейт тарапка ар түрдүү долбоорлорду  жүзөгө ашыруу дагы такай көмөктөшүүсү жана өлкөнүн калкынын социалдык жактан аярлуу катмарын колдоо боюнча кайрымдуулук ишмердүүлүгү үчүн дагы терең ыраазычылыгын туюндурду. Андан ары Кыргызстан Кувейт менен соода-экономикалык жана маданий-гуманитардык тармактарда эки тараптуу мамилелерди өнүктүрүүгө мындан ары кызыкдар экендигин дагы жашырган жок. Биргелешкен кызматташтыктын артыкчылыктуу багыттары катары аймактарды өнүктүрүү, айылчарба, санариптештирүү, социалдык обьектилерди куру жана туризм тармактары аталды.  

Кувейт Эмиринин кеңешчиси Абдулла АльМаатук Сооронбай Жээнбековго расмий жолугушууга ыңгай жараткандыгы үчүн  ыраазычылыгын билдирди. Кыргызстандын калкынын бакубатчылыгын жогорулатуу максатында мындан ары дагы социалдык колдоо көрсөтүүгө даярдыгын дагы кошумчалады. Ал ошондой эле Кувейттарап Кыргызстан менен эки тараптуу мамилелерди мындан ары тереңдетүүгө кызыкдар экендигин өзгөчө белгиледи.

Алишер ТОКСОНБАЕВ, өз кабарчы