1,096 Бардыгы /

Казакстандын Улуттук коопсуздук комитети учурда Сирияда 90дон ашуун казакстандык бар экенин билдирди. Алардын ичинен 56сы аял. 15 киши лагерлерде же түрмөлөрдө отурат. Дагы алты аял Иракта камакта.

Комитеттин маалыматына караганда, Сирия менен Ирактан Казакстанга 277 киши (57 эркек, 220 аял) жана 547 жашы жете элек бала кайтарылган.

Алардын ичинен 44 киши терроризм айыбы менен бир жылдан он бир жылга чейин эркинен ажыратылып, дагы 43ү суракка алынган.

Сирия менен Ирактан кайткан 198 аял жана 545 бала реабилитациялык борборлорго жөнөтүлгөн.

Казакстандын Тышкы иштер министрлиги 18-ноябрда дагы 10 баланы кайтаруу боюнча ирак тарап менен сүйлөшүү жүрүп жатканын билдирген.

Буга чейин Сирия жана Иракка 800дөн ашуун казакстандык чыгып кеткени кабарланган. Казакстан согуш жүрүп жаткан аймактардан өз жарандарын кайтаруу операциясын 2019-жылдын башында баштаган.

www.