1,638 Бардыгы /

ЖАЛАЛ-АБАД. Бүгүн 20-декабрда өкмөт башчысы Мухаммедкалый Абылгазиевдин катышуусунда  Базар-Коргон районунун Бешик-Жон айылында муниципалдык спорт комплекси ачылды.

Анда өкмөт башчы өлкөнүн бардык айыл аймактарында социалдык абалды жакшыртуу максатында бир топ аракеттер жүрүп жатканын белгиледи.

“Адамдын эң чоң ресурсу бул – ден соолук. Мындай имараттан республика боюнча 108 объект ачылып жатат. Бардык эле айылда мындай комплекстер салына элек. Бирок калкыбыздын 70%ы айыл жерлеринде жашайт эмеспи. Мына ошол элдин жашоо турмушу оңолмоюн өлкөбүздүн өнүккөңүн элестетүүгө мүмкүн эмес. Ошондуктан да эки жылдан бери аймактарды өнүктүү багытында иш алып баруудабыз” – дейт М.Абылгазиев.

Белгилей кетсек, аталган спорттук комплекс 2017-жылдын июль айында башталган. Долбоордун сметалык баасы 48 млн 500 миң сом болсо, анын тендердик баасы 24 млн сомду түзөт.

Бүбүсара ОРОЗАЛИЕВА, “Аймак”