819 Бардыгы /

Грузия Каржы министрлиги “Кавкасия”, “Пирвели” жана “Рустави-2” телекомпанияларынын банк эсептерин камакка алды. Алар өкмөттү жана башкаруучу “Грузин кыялы” партиясын башка медиаресурстарга караганда көбүрөөк сындашат.

Каржы министрлиги бул чечимин телекомпаниялар бюджетке ондогон миллион евро карыз экендиги менен түшүндүрдү.

Медиаресурстардын менеджерлери жана жамааттары операциялык эсептерди камакка алууну –келерки жылы күзүндө өтө турган парламенттик шайлоо алдындагы цензура аракети катары баалашты.

26-декабрда “Кавкасия” телекомпаниясынын алдында жарандык активисттер жана журналисттер нааразылык акциясын өткөрүштү. Алар бийликчил “Имеди” телекомпаниясы Каржы министрлигине ири суммада акча карыз болгону менен эсеби камакка алынбаганын, тандалма саясат жүрүп жатканын айтышты.

Грузин парламентинин спикери Арчил Талаквадзе журналисттерди каржы маселесин саясатташтырбоого чакырды. Оппозициячыл “Европалык Грузия” партиясынын лидери Гиги Угулава грузин бийлиги “демократия институттарына каршы күрөшүүдө кызыл чектен ашып кеткенин” айтты.

www.