1,018 Бардыгы /

Орусиянын Ички иштер министрлиги (ИИМ) кооптуу оорусу бар мигранттарды өлкөдөн чыгарууну сунуштаган мыйзам долбоорун иштеп чыкты.

Орусияда айланадагыларга коркунуч жараткан оорулардын катарына ВИЧ-инфекциясы, гепатиттин В жана С түрлөрү, кургак учук, күйдүргү, кара тумоо өңдүү илдеттер кирет. 31-январда бул тизмеге Кытайдан чыккан коронавирус дагы кошулган.

Буга чейин Орусиянын премьер-министри Михаил Мишустин коронавирус жуктурган чет өлкөлүк жарандар өлкөдөн депортацияланышы мүмкүндүгүнбилдирген.

– Жаңы вирус өзгөчө коркунучтуу оорулардын тизмесине кирди. Бул илдетти жугузуп алган чет өлкөлүктөрдү депортациялоого мүмкүнчүлүк берет. Биз алды менен өз жарандарыбыздын коопсуздугу жана саламаттыгы тууралуу ойлонушубуз керек, – деген Мишустин.

5-февралда Кытайдын Ухань шаарынан Тюмень облусуна 144 адамэвакуацияланган. Орусиянын вице-премьери Татьяна Голикованын айтымында, орус учактары менен алынып келинген чет өлкөлүктөр карантин аяктагандан кийин өз өлкөлөрүнө кете алышат. Буга чейин Орусия Кытай менен аба жана темир жол байланышын токтоткон.

www.