836 Бардыгы /

Тажикстанда SIM-карталарды ID-паспортторго каттатуу мөөнөтү 2022-жылдын февраль айына чейин жылдырылды. Өкмөт тиешелүү токтомго 14-февралда кол койгон.

Тажикстанда жалпысынан 7 миллионго чукул SIM-карта сатылган. Учурда 3,8 миллиондой SIM-карта дале эски үлгүдөгү паспортторго катталуу бойдон.

Өткөн жылдын башында тажик өкмөтү колдонуучулар телефон номурларын жаңы паспорттор менен кайра каттатуу зарыл болорун билдирген. Каттоодон өтпөгөн SIM-карталар быйыл 15-февралдан тарта өчүрүлө турганы айтылган.

Көптөгөн тажикстандыктар номурларын каттоодон өткөрүш үчүн эски үлгүдөгү паспортторун алмаштырышы керек. Бирок айрым тажик жарандары жаңы паспорттордун баасынын кымбат экенине да нааразы болуп жатышат. ID-паспорт алуу үчүн тажикстандык жарандар 100 сомони (10 доллар) төлөшү керек.

Тажикстанда жаңы үлгүдөгү ички паспорттор 2014-жылдан тартып бериле баштаган.

www.