1,442 Бардыгы /

Жалал-Абадда экинчи жолу чоң масштабда ишкер айымдардын экономикалык, интеллектуалдык жана социалдык потенциалын өнүктүрүүгө багытталган форум болуп өттү.

Форум эки бөлүктөн уланып, биринчи бөлүгүндө пленардык дискуссия, ал эми экинчи бөлүгүндө мастер-класстар өтүлдү. Ал бул форумга катышкан спикерлер Москва жана Бишкек шаарларынан чакырылган.

Иш-чаранын жүрүшүндө ишкерликтин аянтчасындагы бир топ маселелер козголду. Кызматташуу үчүн ишкер айымдар аянтчасын куруу, област аймагында текстиль тармагындагы көйгөйлөрдү аныктоо, бренд куруу менен сатуунун көбөйтүү жана башка маселелер каралды.

Ал эми пленардык жыйындын  алкагында “Базарга чыгуу жолдору, кичи жана орто бизнестин өкүлдөрү үчүн акча каражаттын жеткиликтүүлүгү” деген темада талкуу жүрдү.

Андан соң “Жалал-Абад областындагы тигүү тармагын өнүктүрүүнүн жолдорун издөө” темасында талкуу уланып, ишкер айымдар кызыктырган суроолоруна жооп ала алышты.

Спикер катары келген Айжан Акылбекова “Стилди ойлоп табуу” тууралуу, Төлөбек Нурдинов “Брендди түптөө” тууралуу мастер-класстарды өтүп, ишкерлерге кеп кеңештерин беришти.

“Биздин коомдогу маселерлердин чечүүчү чылбыры айымдардын колунда турат. Айымдар эне болгондуктан коомдун кандай гана көйгөйү болбосун кайдыгер мамиле жасабашы керек. Ишкерликте, билим жаатында,  бала тарбиялоодо болобу колунан келген айымдардын баардыгы активдүү болушу керек деп ойлойм”,-дейт А.Акылбекова.

Форумдун алкагында ЖИА бизнес-ассоциациясынын мүчөлөрү тарабынан жарманкелер уюштурулду. Ага кол өнөрчүлүгү, жергиликтүү ишкерлердин өндүрүмдөрү коюлду. Ал гана эмес аталган ассоциациянын Талас, Ысык-Көл  аймагында жайгашкан филиалдарынан да өкүлдөрү катышып, өндүрүлгөн продукциялары жарманкеге коюлду.

Акылай КАРАБАЕВА, “Аймак”