993 Бардыгы /

Кечээ, 12-ноябрда Чаткал районундагы Кара-Буура ашуусунда кар күрткү жаралып, бир нече унаанын өтүшүнө кыйынчылык жаралды. Бул тууралуу ӨКМден кабарлашты.

Маалыматка караганда, кечээ саат 09:10до жааган кардын кесепетинен Ала-Бука–Жаңы-Базар–Кировка унаа жолунун 80-чакырымында (Кара-Буура ашуусу) кар күткүсү пайда болуп, «Мерседес-Бенц Спринтер», «Хонда Степвагон», «Ауди» үлгүсүндөгү унаалар (жалпы 21 адам) жолдон өтө албай калышкан. Жүргүнчүлөрдү коопсуз жайга алып келүү үчүн ӨКМден 4 куткаруучу жана унаа жолду тазалоого 1 жүктөгүч тартылган. Жүргүнчүлөр куткаруучуларга орто жолдон жолугуп, күрткүдөн өз алдынча аман-эсен чыгышканын билдиришкен.

Ала-Бука–Жаңы-Базар–Кировка унаа жолу аба ырайы турукташканга чейин Чаткал районунун акиминин 4-ноябрдагы буйругу менен убактылуу жабылган болчу.

“АЙМАК”