711 Бардыгы /

  БИШКЕК. Америка Кошмо Штаттарынын Кыргызстандагы Элчилиги АКШ Президенти Жо Байден Кыргыз иммигранттарынын бул өлкөгө кирүүсүн токтоткон иммиграциялык жана ар түрдүүлүк (Diversity Visa) визаларга чектөөлөрдү алып салуу боюнча буйрукка ушул жылдын 20-январында кол койгондугун жар салды.

• Биз Кыргыз Өкмөтүнүн акыркы он эки ай аралыгында саякаттарга

байланыштуу коопсуздукту бир кыйла жакшырткандыгын абдан кубаттайбыз.  Биометрикалык идентификация чиптерин камтыган кыргызстандык электрондук паспорттор иштелип чыгып, даярдыктын акыркы баскычында турат. Бул заманбап паспорттор кыргызстандыктар үчүн коопсуз жана ыңгайлуу саякаттоону гана кепилдемекчи. Ошондой эле Кыргыз Өкмөтү INTERPOL менен тыгыз кызматташуусун өркүндөтүп, кылмыштуулук жана терроризм тууралуу маалымат менен дагы тең бөлүшүүнү кыйла өркүндөттү. Жаңы Кыргыз электрондук паспорттору жана укук коргоо органдарынын тыгыз кызматташтыгы, Кыргыз Республикасында дагы жана ошондой эле дүйнө жүзүндө дагы, бардыгыбыздын жашообузду көбүрөөк коопсуз кылмакчы, – дейт  Америка Кошмо Штаттарынын Кыргызстандагы Элчилиги.

Баса, COVID-19 таажы илдетинин шартында, дүйнө жүзүндөгү Америка Кошмо Штаттарынын элчиликтеринде виза берүү өтө чектелген. Бул кулактандырууга байланыштуу виза маселелери боюнча акыркы жаңылыктарды алуу үчүн kg.usembassy.gov веб-сайтына гана кайрылыңыздар.  Америка Кошмо Штаттары Кыргыз элинин коопсуздугун, эгемендүүлүгүн жана гүлдөп-өнүгүшүн жогорулатуу үчүн эки тараптуу мамилелерин бекемдөөгө мындан ары дагы бекем умтулат.

Алишер ТОКСОНБАЕВ “АЙМАК”