846 Бардыгы /

ЖАЛАЛ-АБАД. Жалал-Абад облусунун 2020-жылга карата жалпы жыйынтыгы чыгарылып, тийиштүү жетекчилерге каттуу эскертүүлөр берилди.

Өткөн жылда пандемияга байланыштуу ар бир тармактагы иштерге өз таасирин тийгизди аны менен катар, экономикалык, айыл чарба ж.б тармактарга да залакасын тийгизди. Четке экспорт кылган көмүр менен өндүрүлгөн көмүр эки башка отчёт берилип, салыктан качкан ишкерлер бар экендиги айтылды.  Жыйын башында жер-үйлөрү өрттөнүп кеткен кээ бир жарандарга акчалай сертификаттар ыйгарылды.

2020-жылга карата айландыруу үчүн сырьелор жетишпегендигинен 5 ишкананын иши токтоп калган. Ал эми 68 айыл өкмөттүн санарипттик системага 16 айыл өкмөк начар катышып жаткандыгы алардын сап башында Ала-Бука району боюнча Көк-Таш, Көк-Серек, Батагулов, Аккоргон айыл өкмөттөрү турса, Сузак районунан Кара Дария, Кашка Суу айыл өкмөттөрү туурары айтылды.

Салык кызматындагы кемчиликтердин айынан Жалал-Абад шаары боюнча 1 жылдын ичинде 68 миллион сом салыктан карыз болуп жатса, Ноокенде 40 миллион 634миң сом, Кара-Көл шаары 16 миллион сом, Таш-Көмүр шаары 1миллион 170миң сом салыктан карыз болгондугу айтылды.

“Баардык тармактарда тиешелүү адистер бар, пандемияга байланыштуу бир канча өнөр жай да аксаган көрүнүштөр байкалды. 2020-жылга жыйынтык чыгарылды, кээ бир жетекчилерге эскертүүлөр берилди. Ишкерлер менен иштөөдө салыктарды жашыруу катталууда. Тийиштүү деңгээлде текшерүүлөр болбостон, ишкерлер салыктан качып жатышат. Буюрса тийиштүү деңгээлде иштер жүрсө, ошол төлөнбөй жаткан салыктар  өлкөбүз казынасына түшсө деген ниеттебиз”,-деди Жалал-Абад облусунун ыйгарым укуктуу өкүлү Абсаттар Сыргабаев.

Жыйында маалым болгондой Таш-Көмүр шаарында казып алынган көмүр кени 120 тонна көмүр өндүрүмү четке Өзбекстанга экспортко чыгып кетип жатат деп жыйынтык берсе, чек арадан маалымат алганда 120 тонна эмес, 500 тонна экспорт сыртка чыгарылгандыгы аныкталды. Ортодо 380 тоннанын салыгы жок, мындай көрүнүштөр көп экендиги айтылды.

Байканбек САДЫКОВ “АЙМАК”