885 Бардыгы /

Сузак районуна караштуу Ленин айыл өкмөтүнүн жергиликтүү кеңешинин депутаты муниципалдык  жерлерди өздөштүрүүгө айыптап, жергиликтүү тургундар ага нааразычылыгын билдиришүүдө. Учурда Улуттук коопсуздук мамлекеттик комитетинин  аталган факт боюнча териштирүү иштерин баштаганы айтылды.

Ленин айыл өкмөтүндөгү жергиликтүү кеңештин депутаты, жер боюнча кеңешменин төрагасы К.Кубат жергиликтүүлөрдүн айтымында таза сууга дейилип бөлүнген 6,5 сотик деп менчиктештирип алган бирок ал жерди УКМК кызматкерлери жерди башынан өлчөгөндө жер 21сотик жер экендиги аныкталган.

“Бул жерлер таза сууга тиешелүү жер, санитардык зона деп мыйзам чегинде калып калган жер. Күн чыгыш жагында 8 сотых, күн батыш жагында 21 сотых санитардык зона деп калынгандан кийин, айылдык депутаттар кызмат ордунан пайдаланып пара бергени да аныкталган, 5000 сом бири берсе, бири бир кой берген. Казакбаев Кубат жер комитетинин төрагасы аныкталган жок бирок түзмө түз 10 жылга ижарага алган. Ошонун ичинде эле 2018-жылы азыркы айыл өкмөт менен жер адис башка бир Үпөл атуу өзүбүздүн айылдык тургунга ижарага берип жатышат. Кийин ал аялга К.Казакбаев менен жер талашкандыгы да аныкталып жатат. Үпөл эжеден 250 000сом акчасын алышкан, учурда алар факт, казар, арыз түрундө тийиштүү документтер бар.  Азыркылар 5 жылга жерди көрктөндүрүү деп ижарага алышып кийин карадым, иштеттим, тазаладым деп арыз жазышып, пара берип менчикке өткөрүп алып жатышат.  Биздин максат мыйзам чегинде мамлекеттик муниципалдык жерлерди, өкмөттүн карамагына өткөрүү”,-деди Ленин айыл өкмөтүнүн тургуну Хайирдинов Сиражидин.

Ошону менен Сузак районунун акиминин айтуусу боюнча андай учур катталган тийиштүү иш аракеттерин көрүп жатышкандыгын билдирди. Ал эми Ленин айыл өкмөтүнүн башчысынын айтуусуна караганда, жергиликтүүлөр иштетилбей турган жерлерин өздөрү жеке ишкерлерге өткөрүп беришкен. Аны менен тим болбостон эми кайра кайтып алуу ниетин билдирип жатышкандыгын, эгер эл өзү иштетилбей жатканын жеке ишкерлерге берсе, эмнеге жердин ижара акысын өкмөткө төлөөрүн, же эл менен жеке ишкерлер өздөрү келишим түзүшсө кай жерде айыл өкмөттүн тиешеси бардыгы жандырмак боюнча калууда.

Байканбек САДЫКОВ “АЙМАК”