1,041 Бардыгы /

Бул тууралуу президент Садыр Жапаров 6-майда Баткен облусунда жүргөндө билдирди. Ал Баткен жана Лейлек райондорундагы кыргыз-тажик чек арасындагы жаңжалда жабыркаган айылдарды кыдырып жүрөт.

Жапаров Маргун айылындагы жолугушууда коогада кыйраган, өрттөлүп, талкаланган үйлөрдү, турак-жайларды эки айдын ичинде калыбына келтирүү тууралуу убада берди. Ал чыгымдардын баарын мамлекет көтөрүн айтты. Ошондой эле Маргунда аскердик бөлүк жайгашарын маалымдады.

Жапаров 6-майда Баткенге иш сапар менен барды. Анын күзөтчүлөрү журналисттерге, жайкын тургундарга президенттин жолугушууларын сүрөткө, видео-аудиого тарттырбай жатат.

Президент 5-майда “Баткен облусунун чек арадагы айылдарын калыбына келтирүү жана өнүктүрүү боюнча биринчи кезектеги чаралар жөнүндөгү” жарлыкка кол койгон.

Ага ылайык, бул максатта премьер-министр төрагалык кылган мамлекеттик комиссия түзүлөт жана аталган облуста президенттин атайын өкүлү дайындалат.

28-30-апрель жана 1-майда кыргыз-тажик чек арасында болгон куралдуу жаңжалда 36 кыргызстандык курман болуп, 180ден ашууну жараат алды.

WWW.