1,092 Бардыгы /

БАТКЕН. Лейлек районунда катуу сел жүрүп, ички чарбалык унаа жолдорду, ошондой эле сел өтүүчү каналды кум-шагылга толтурду. Бул тууралуу Өзгөчө кырдаалдар министрлигинен маалымдашты.

Расмий маалыматка таянсак, үстүбүздөгү жылдын 25-май күнү саат 16:20 чамасында Лейлек районунун Тогуз-Булак, Узун-Сай Айыл Өкмөтүндө кыска мөөнөттө нөшөрлөгөн жаандын кесепетинен кокту-колоттордон агылган сел Исфана шаарынын Узун-Сай, Тогуз-Булак Өкмөттөрүндөгү Тогуз-Булак айылынын Күңгөй, Кожо тилкесин, Сумбула Айыл Өкмөтүндөгү Искара айылынын жана Сары-Дөбө айылынан Тешик-Таш, Майдан тилкесинде сай менен катуу сел жүрүп, ички чарбалык унаа жолдорду, сел өтүүчү каналды кум шагылга толтуруп, 30 метр габион сеткаларын дагы чекесинен бузуп таштады. Бирок, турак үйлөргө жана эгин талааларга коркунуч келтирилген эмес.

Ушул тапта сел кырсыктарынын кесепетин такташтыруу жана яыгымдарын аныктоо жараяны кызуу жүргүзүлүп жатат.

Алишер ТОКСОНБАЕВ, өз кабарчы