1,404 Бардыгы /

ОШ. Кыргызстандын Түштүк башкалаасында Hyunday Avante үлгүсүндөгү автоунаанын айдоочусу рулду башкара албай түркүктү сүзгөндөн кийин оодарылып, артында отуруп бараткан жүргүнчүлөрдүн бири ошол жерде эле көз жумду.

Айтмакчы, кырсык маалында Hyunday Avante үлгүсүндөгү автоунаанын терезелери талкаланып, а түгүл айдоочу автоунаадан ыргып кеткен. Артта отуруп бараткан жүргүнчүлөрдүн бири жеринде каза тапты. Күбөлөрдүн айтымында, алар досунун үйлөнүү тоюна келип, эс алып жүрүшкөн экен.

Ошентип, автоунаанын ичиндеги төрт адам тең 24 жашта экен. Жапа чеккен үчөө Кара-Суу райондук ооруканасына жеткирилди.Ушул тапта окуя болгон жерде Ош шаарынын кайгуул милициясы иштеп жатат. Ал эми автокөлүк айып короосуна киргизилди.

Алишер ТОКСОНБАЕВ