9 Бардыгы /

“Кепилдик фонд” ААКты өлкөнүн ишкерлерине активдүү колдоо көрсөтүүнү улантууда. Бул тууралуу аталган мекеменин маалымат кызматы билдирди.

Бул багыттагы иштер жылдан жылга күчөтүлүп, кепилдик колдоонун саны жана көлөмү көбөйүүдө, бул өз кезегинде өлкөдөгү бизнести өнүктүрүүгө багытталган кредиттердин көлөмүн жана андагы кепилдик каражаттардын үлүшүн көбөйтүүгө мүмкүндүк берди.

2017- жылдан 2023-жылга чейин өлкөнүн ишкерлерине көрсөтүлүүчү кепилдик колдоонун үлүшү республиканын дээрлик бардык тармактарында жана региондорунда бизнести өнүктүрүүгө берилген кредиттик ресурстардын суммасынан 26% – 35% чегинде өзгөрүлүп турду.

2017-жылы берилген кредиттердин суммасынан кепилдик колдоонун үлүшү 26% ды түздү, бул 2017-жыл “Кепилдик фонд”ААКтын толук кандуу ишмердүүлүгүнүн биринчи жылы гана болгонун эске алганда жетишээрлик жогору көрсөткүч болуп саналат.2018-жылы бул көрсөткүч 30% деңгээлинде катталып, 2019-жылдын жыйынтыгы боюнча 31% га чейин көбөйгөн.

Кийинки төрт жылда 2020-жылдан 2023- жылга чейин “Кепилдик фонду” ААКтын кредиттик ресурстардагы каражаттарынын үлүшү төмөнкүдөй: 2021 – жылы – 27%; 2022-жылы-30%; 2022-жылы-30% жана 2023-жылы-35%.

Үстүбүздөгү жылы 2 млрд 619 млн. сом суммасындагы кепилдик каражаттардын үлүшүнүн көрсөткүчү берилген кредиттердин суммасынан7 млрд 229 млн сомдон рекорддук 36%ды жогору түзгөн. Ал эми “Кепилдик фонд” ААКтын ишмердигинин бүткүл мезгили үчүн көрсөтүлгөн үлүштүн орточо көрсөткүчү бүгүнкү күндө 32% ды түзөт.