27 Бардыгы /

Быйыл өлкөбүздө буудай өткөн жылдан 4,5 миң гектарга көп айдалды. Бул туурасында Суу ресурстары, айыл чарба жана кайра иштетүү өнөр жайы министрлигинен билдиришти.
Маалыматка караганда, ушул тапта өлкөбүздө жазгы талаа иштери кызуу жүрүүдө. Республикабызда жер айдоо иштерин алгачкылардан Баткен, Жалал-Абад жана Ош облусунун райондору тегиз башташты. Кылкандуу дан өсүмдүктөрүн себүү 64,3 миң гектарга, же былтыркы жылдан 10,3 миң гектарга көп эгилди. Буудай себүү иштери 13,7 миң га же 13,3 пайызды түзүп, өткөн жылдан 4,5 миң гектарга көп себилди. Ош облусунда буудай себүү — 34, Баткенде — 24,4 жана Жалал-Абад облусунда — 5,1 пайызга дээрлик бүткөрүлдү. Арпа эгүү Ош облусунда — 23,1, Баткенде — 26,5, ал эми Жалал-Абад облусунда 17,6 пайызга аяктады. Ал эми жашылча-бахча себүү Ош облусунун Араван районунда жана Жалал-Абад облусунун Аксы районунун Үч-Коргон айыл өкмөтүндө дээрлик башталды.
Кыскасы, Түштүк жергесинин кайсыл районун кыдырбаңыз, жаз жарышы эми гана кызыгандай… Баш көтөрбөстөн иштеген дыйкандар…

Алишер ТОКСОНБАЕВ, өз кабарчы