1,617 Бардыгы /

Кыргыз Республикасынын “Манас” улуттук академиясынын демилгеси боюнча Кыргыз улуттук “Манас” театры менен биргеликте 3-декабрда “Манас” улуттук академиясында Кыргызстанда биринчи жолу “Манасчылардын бүткүл республикалык кеңеши” өткөрүлөт. 

“Манас” – көчмөн кыргыз элинин маданиятын, жашоосун жана мамлекеттүүлүккө, эгемендикке жетүү үчүн жумшаган күрөшүн баяндаган дүйнөдөгү эң көлөмдүү эпос. Ал эми манасчы – “Манас” эпосун сактап, жандуу баяндап, жайылтып келген жаратман адам. Манасчы улуу “Манас”  сөзүн тутуп, укумдан тукумга өткөрүп, оозеки сактаган, мазмунун байытып, аны азыркы көлөмгө, көркөмдүк деңгээлге жеткирген өнөр ээси.

Манасчылардын бүткүл республикалык кеңеши манасчылык касиетти ыйык тутууну жана азыркы коомдогу ордун, озуйпасынбелгилеп, Кыргыз Республикасынын бардык облустарынан келген манасчыларкүн тартибинде төмөнкү маселелердиталкуулашат:

1. Манасчы деген ким жана анын айтуучулук жолу?

2.Азыркы манасчылардын коомдогу орду жана озуйпасы.

3.Өлкөбүздүн өнүгүүсүндөгү азыркы манасчылардын миссиясы.

Манасчылардын бүткүл республикалык кеңешине конок катары “Манас эли” коомдук фондусунун, “Саякбай манасчы” эл аралык коомдук фондусунун, “Улуу баян” коомдук фондусунун жетекчилери, ошондой эле ардактуу конок катары Россия Федерациясынын Саха (Якутия) РеспубликасындагыАрктика мамлекеттик маданият жана искусство институтунунөкүлдөрү, маданият таануу илиминин кандидаты, эпос айтуучу-олонхосутСтрекаловская Зоя Андреевна,эпос айтуучу-олонхосутАлексеева Анастасия Даниловна.Ошондой эле аталган окуу жайдын студенттери: алтай элинин өкүлү «Алтай Буучай» эпосунун (Н.Улагашовдун варианты боюнча) аткаруучусу-кайчы Чулунов Эркул Андреевич, якут элинин өкүлү, «Эһэ хара аттаах Элэс Боотур» (П.Оготоевдин варианты боюнча) эпосунун аткаруучусу – олонхосут Петухова Диана Тимофеевна катышат.

E-mail: mnsait.acad@gmail.com

Уюштуруу комитети: 0701 086 697 – Айгерим Кубанычбекова