822 Бардыгы /

«Teach for Kyrgyzstan» программасынын жайкы институтунун жардамы аркасында Чүй облусунун айылдык мектептеринде сентябрь айында окутууга 33 мугалим даяр. Жайкы институт бул келечектеги билим берүү жаатындагы социалдык ишкерлер үчүн төрт жумалык окутуу жана өнүктүрүү курстарын өткөрдү. Алар кыргыз тилинде «Жаратман» деп аталат, бул англис тилинде «Сreators» дегенди туюндурат. «Teach for Kyrgyzstan – Заманбап Мугалим” долбоору Teach for KG тарабынан Кыргыз Республикасындагы АКШ Элчилигинин гранты менен башкарылат.

        Аталган Жайкы институт катышуучуларды эмоционалдык интеллект, жүрүм-турумду башкаруу, сабактарды пландоо жана окуучуларды баалоо сыяктуу негизги багыттары боюнча окутту. Катышуучулар эксперттердин сессияларына дагы катышып, өз алдынча билим алышып, жаңы көндүмдөрүн реалдуу класстарда практикалашты. Жайкы институттан кийин долбоор бул мугалимдерди 2024-жылдын күзүндө Кыргыз Республикасынын Билим берүү жана илим министрлиги менен менен өнөктөштүктө Чүй облусундагы 10 пилоттук мектепке жайгаштыруу үчүн каражат дагы топтойт. Кыргыз Республикасынын Билим берүү жана илим министрлиги, «Teach for KG», билим берүү мекемелери жана жарандык коом уюмдарынын өкүлдөрү пилоттук мектептерди атайын сынактын негизинде иргеп алышты.

        Жайкы институттун ачылыш аземинде АКШнын Кыргызстандагы элчиси Лесли Вигери мындай деди: – «Teach For All» тармагынын  вазийпасы балдарга өз дамаретин толук кандуу ачууга жардам берүү болуп саналат. Ошондой эле бул институт Чүй облусундагы балдар үчүн бул максатка жетүү жолундагы бир кадам болуп эсептелет.

        «Teach for Kyrgyzstan», «Teach for All» тармагынын бир бөлүгү болуп, Кыргыз Республикасынын билим берүү системасын заманбапташтырууну гана максат кылат. Бул инновациялык модель айылдык мектептерге жана окуучуларга заманбап жарандык катышуу жана экономикалык ишмердүүлүк үчүн зарыл болгон көндүмдөрдү берет. Өкмөттүк органдар, мектептер, мугалимдер, жарандык коом жана «Teach for All» тармагындагы эл аралык эксперттер менен биргеликте иштелип чыккан бул модель Чүй облусунун стандарттык мектеп программаларына медиасабаттуулук, критикалык ой жүгүртүү, чыгармачылык, коомдук катышуу жана жоопкерчиликтүү башкаруу элементтерин камтыйт.

Алишер ТОКСОНБАЕВ, өз кабарчы