21 Бардыгы /

Эгемендүүлүк күнүнө карата КР Президенти С.Н.Жапаровдун колдоосу менен, “Улуттук дем, дүйнөлүк бийиктик” уңгу жол багыты боюнча Барпы акындын 140, Түмөнбай Байзаковдун 100, Рахматулла Козукеевдин 70 жылдыгына арналган төкмө акындардын XVIII эл аралык айтышы өтөт.

27-августта төкмө акындардын айтышы Кетмен-Төбө өрөөнүндө, Токтогул районунда башталат. Кыргыз эл акыны Рахматулла Козукеев демилгелеген “ЗАЛКАРЛАРДЫ ЭСКЕРҮҮ” деп аталган айтыш концертте Токтогул Сатылганов, Коргоол Досуев, Жоомарт Бөкөнбаев, Алтымыш Мундузбаев, Тууганбай Абдиев, Элмирбек Иманалиев өңдүү залкар инсандар эскерилет.

28-август Аксы жергесинде Жеңи Жокту, Ормонбек Асановду, Ниязалы Борошовду, Токтосун Тыныбековду, Исак Стамкулов, Исак Парпиевди, Ташбай Жоробековду Ырысбек Тасмаевди эскерген айтыш концерт уланат.

29-август күнү Үч-Коргон айыл өкмөтүнүн Кызыл-Жар айыл аймагында Рахматулла Козукеевдин туулган жери Кум кыштагында жолугушуу концерт өтөт.

Ал эми 29-август күнү Барпы апыздын үй музейинде куран окулуп, кечки убак Сузак районундагы, тактап айтканда “Жони” эс алуу багында Барпы Алыкуловду, Түмөнбай Байзаковду, Тайырбек Сатыбалдиевди, Көкөн Абдылдаевди эскерүү концерт болмокчу.

30-31-августта Жалал-Абад шаарындагы Барпы атындагы облустук театрда Кыргыз – Казак акындарынын XVIII эл аралык айтышы өтөт.