3 Бардыгы /

Бүгүн, 16-октябрда Кыргыз Республикасынын Президентинин Жалал–Абад облусундагы ыйгарым укуктуу өкүлү Тилек Текебаев Ала–Бука районунун Ынтымак айыл аймагындагы Бирлешкен айылында жайгашкан №34 “Шаттык” балдар бакчасынын иши менен таанышты.

Жалпы 50 орунга ылайыкталган бала бакчанын курулушуна 30 млн. 791 миң сомдон ашык каражат жумшалып, долбоор Ала-Бука райондук өнүктүрүү фонду жана Ынтымак айыл өкмөтүнүн каржылык колдоосу менен ишке ашырылган.

Облус башчысы жергиликтүү тургундарды куттуктап, бала бакчанын имаратын көрүп чыгып, балдардын коопсуздугун камсыз кылуу, аларга сапаттуу тарбия жана билим берүү, ошондой эле түзүлгөн шарттарды туура пайдалануу маанилүү экенин кошумчалады.

Белгилей кетсек, жыл башынан бери Ала-Бука районунда эки мектеп жана бир бала бакча пайдаланууга берилди. Жыл аягына чейин Совет-Сай айылындагы мектепти, Кара-Үңкүр айылындагы бала бакчаны жана балдар искусство мектебин пайдаланууга берүү пландалууда