1,383 Бардыгы /

БИШКЕК. Кыргызстандын жогорку окуу жайларынын мыкты 14 студенти Бишкекте чогулуп, 2021-жылкы Кыргыз Улуттук сөз талдоо сынагына катышышты. Болжол менен эки саат сыноодон кийин Ош мамлекеттик университетинин студенти Минура Мирзаева “BACKLASH” сөзүн туура жазуу менен жогорку орунга татыды.

ОшМУнун студенти Минура Мирзаева жеңүүчү деп табылгандан кийин англис тилин окуу канчалык маанилүү экендигин мындайча туюндурду: – Мен англис тилин интернеттен комикстерди окуп баштагамын. А азыр университетте англис тилин үзгүлтүксүз үйрөнүп жатам. Мен илимий изилдөөлөрдү Кыргыз тилине которуу үчүн котормочу болуп иштегим келет!

Баса, аталган иш-чара АКШнын Кыргызстандагы Элчилигинин колдоосу аркасында Эл аралык билим берүү боюнча Америка Кеңештери тарабынан уюштурулган. Бул орфографиялык талдоо сынагына Кыргызстандын бардык булуң-бурчундагы (китепканаларга негизделген, англис тилин окуу клубдары) жергиликтүү сынактарга катышуу менен тандалып алынган бардык сегиз аймактын өкүлдөрү катышкан студенттер киришкен. Сынккка катышуу бардык катышуучулар үчүн акысыз болчу.

• Биз Кыргызстандын мыкты студенттерине жакшы

мүмкүнчүлүктөрдү түзүп берип жатканыбызга сыймыктанабыз! – деди Америка кеңештеринин Кыргызстандагы директору Олеся Гарднер. – Алар бул сынакка окууга көп убактысын жана күчүн жумшашты. Ошондой эле англис тилин үйрөнүүгө болгон аракети жана берилгендиги менен бизди дагы абдан таң калтырышты.

Айтмакчы, орфографиялык талдоо Америка Кошмо Штаттарында тээ 1800-жылдары башталган. Анткени, мектеп окуучуларын жаңы чыккан Webster’s Dictionaryден стандартташтырылган жазууну үйрөнүүгө үндөгөн. Биринчи улуттук мелдеш 1908-жылы Кливлендде өткөрүлгөн жана бул иш-чара 1925-жылдан бери жыл сайын өткөрүлүп келатат. Орфографиялык талдоо сынактын катышуучуларынан уккан сөздөрүн айтууну жана сөздүктө жазылгандарды туура жазууну талап кылат. Катышуучу кабыл алуучудан бул сөздү кайталоону суранышы мүмкүн; аныктамасын, кеп бөлүгүн жана келип чыккан тилин аныктоону жана аны сүйлөмдө колдонуусун сурашы дагы ыктымал. Сөздөрдүн татаалдыгы бирдей эмес, анткени англис тили башка тилдерден көптөгөн сөздөрдү кабыл алган.

Алишер ТОКСОНБАЕВ, өз кабарчы