Аймак
ЖАРЫЯ-ЖАРНАК / РЕКЛАМА
ticket title
«ЖЕР МУНАПЫСЫН ЖҮРГҮЗҮҮНҮН ТАРТИБИ ЖӨНҮНДӨГҮ ЖОБОНУ БЕКИТҮҮ ТУУРАЛУУ” САКАЛДЫ АЙЫЛ ӨКМӨТҮ
Сакалды айыл аймагы ТООРУК АРКЫЛУУ САТУУ ТУУРАЛУУ
МОМБЕКОВ АЙЫЛДЫК КЕҢЕШИНИН ТОКТОМДОРУ
АУКЦИОН САКАЛДЫ АЙЫЛ ӨКМӨТҮ
СЫНАК АК-СУУ АЙЫЛ ӨКМӨТҮ
МОМБЕКОВ АЙЫЛДЫК КЕҢЕШИНИН ТОКТОМДОРУ
СУЗАК РАЙОНУНУН КАРА-ДАРЫЯ АЙЫЛДЫК КЕҢЕШИНИН ТОКТОМДОРУ
САКАЛДЫ АЙЫЛДЫК КЕҢЕШИНИН ТОКТОМДОРУ
НООКЕН РАЙОНУНУН ДОСТУК АЙЫЛДЫК КЕҢЕШИНИН ТОКТОМДОРУ
НООКЕН РАЙОНУНУН ДОСТУК АЙЫЛДЫК КЕҢЕШИНИН ТОКТОМДОРУ
НООКЕН РАЙОНУНУН САКАЛДЫ АЙЫЛДЫК КЕҢЕШИНИН ТОКТОМДОРУ
НООКЕН РАЙОНУНУН ДОСТУК АЙЫЛДЫК КЕҢЕШИНИН ТОКТОМДОРУ
СУЗАК РАЙОНУНУН КАРА-ДАРЫЯ АЙЫЛДЫК КЕҢЕШИНИН ТОКТОМДОРУ
НООКЕН РАЙОНДУК САКАЛДЫ АЙЫЛДЫК КЕҢЕШИНИН ТОКТОМДОРУ
ЖАЛАЛ-АБАД АЙМАКТЫК АВТОТРАНСПОРТ БАШКАРМАЛЫГЫ ЭСКЕРТЕТ
НООКЕН РАЙОНУНУН ДОСТУК АЙЫЛДЫК КЕҢЕШИНИН ТОКТОМДОРУ
НООКЕН РАЙОНУНУН ДОСТУК АЙЫЛДЫК КЕҢЕШИНИН ТОКТОМДОРУ (II)
НООКЕН РАЙОНУНУН ДОСТУК АЙЫЛДЫК КЕҢЕШИНИН ТОКТОМДОРУ
НООКЕН РАЙОНУНУН САКАЛДЫ АЙЫЛДЫК КЕҢЕШИНИН ТОКТОМДОРУ

ИИМдин БИРИНЧИ ОРУН БАСАРЫ АДЫЛБЕК БИЙБОСУНОВ НООКАТТЫКТАРДЫН МУҢ-ЗАРЫН ТЫҢДАДЫ

ИИМдин БИРИНЧИ ОРУН БАСАРЫ АДЫЛБЕК БИЙБОСУНОВ НООКАТТЫКТАРДЫН МУҢ-ЗАРЫН ТЫҢДАДЫ

 264 Бардыгы /

          ОШ. Ички иштер министринин биринчи орун басары Адылбек Бийбосунов Ош облусунун Ноокат районунун жашоочулары менен бетме-бет жолугушту. Бул кездешүүгө андан тышкары өлкөбүздүн башкы прокурор Курманкул Зулушев, Министрлер кабинетинин тѳрагасынын орун басары Бакыт Тѳрѳбаев, Кыргыз Республикасынын Президентинин Ош облусу боюнча ыйгарым укуктуу ѳкүлү Зиядин Жамалдинов дагы кошо катышышты.

Жыйындын жүрүшүндѳ жергиликтүү тургундар өздѳрүнѳ тиешелүү өтө олуттуу кѳгѳйлөрдү гана үстөккө-босток көтөрүштү. Маселен, жазгы жана күзгү эгиндерди айдоодо үрѳн маселеси менен дыйкандарды камсыз кылуу ѳз убагында жүрбөстөн улам жле кечеёдеп жаткандыгы, сугат жана таза суу менен камсыз кылуу долбоорлорунун айланасындагы баш ооруткан маселелер, күйүүчү-майлоочу майлардын, айыл-чарба техникаларына керектүү запастык бѳлүктѳрдүн сапатын жана дагы баасынын кѳтѳрүлүшүн туруктуу көзөмөлдөө, автоунаа жолдорунун кейиштүү ал-акыбалы, турак-жай өңдөнгөн бир катар социалдык маселелер байма-бай кѳтѳрүлдү. Буга улай атайын арыз менен кайрылышкан жарандардын даттанууларын дагы кабыл алышты.

Ал эми жергиликтүү тургундар тарабынан Ички иштер органдарынын ишмердүүлүгүнө байланышкан мал уурулуктун бетинин ачылбай жаткандыгына, арыздарды кароо мѳөнѳтү атайылап создуктурулуп аткандыгына даттанышып, ошол эле учурда жер-жерлерде милиция кызматкерлерине ыраазычылыктар дагы кошо  айтылды. Маселен, жергиликтүү тургундар милициянын аймактык тескөөчүлөрү өз милдеттерин так аткарышып жаткандыгын, милиция кызматкерлери ар бир чакырууга ыкчам келип, буга улай мыйзам чегинде катаал чараларды көрүшүп жатышкандыгын баса белгилешти. Ички иштер министринин биринчи орун басары Адылбек Бийбосунов жарандардын милиция кызматкерлеринин ишмердүүлүгүнѳ байланышкан арыз-даттанууларын өзүнүн чөнтөк дептерине жазып алгандыгын жана арыз-даттануулардын баарынын теё мыйзам чегинде гана чечилүүсүн жеке кѳзѳмѳлүнө ала тургандыгын катуу убадалады.

Жолугушуу маалында ошондой эле жарандар Ички иштер министринин биринчи орун басарына түз кайрылышып, мал уурулук, мүлк талашкан арыздарынын каралышын, тергѳѳнүн жүрүшүн көзөмөлдөп берүүсүн дагы ыраса өтүнүштү. Андан ары кездешүү суроо-жооп форматында узак жүрүп, анда жарандар бийлик өкүлдөрүнө жеке көйгөйлөрү, район ичиндеги социалдык-экономикалык маселелер боюнча дагы олуттуу суроолорун узатышты. Жыйындын катышуучулары ушундай жолугушууларды уюштуруп жарандарга арыз-даттанууларын айтып алганга мүмкүнчүлүк түзүп беришкендиги үчүн тереё ыраачылыгын дагы жашырышкан жок.

 Ошентип, мындай иш-чара Кыргыз Республикасынын президенти Садыр Жапаровдун элдин укук коргоо органдарынын ишмердүүлүгүнө жана жарандардын турмуштиричилигине байланышкан маселелер боюнча жеринде кабар алуу жана аны ыкчам чечүү тапшырмасын аткаруу максатында активдүү уюштурулуп жаткан маалы.

Алишер ТОКСОНБАЕВ, өз кабарчы

Автор

Байланыш дареги

Email: aymak.kg@mail.ru

Телефон: +996 (770) 81-00-32

Факс: +996 (3722) 2-32-36

Адрес: Жалал-Абад ш. Ленин к. 17