1,116 Бардыгы /

ЖАЛАЛ-АБАД. Ноокен районунун Масы айылында заманбап калкты тейлөө борбору курулуп, азыркы учурда жумуштардын 95 пайызга жакыны аяктап калды.

Масы айылындагы заманбап калкты тейлөө борбору райондун өнүктүрүү фондунан каржыланып, ага 24 млн. сом акча каражаты жумшалган.

Облус башчы Абсаттар Сыргабаев мекеменин курулуш иштери менен таанышып, жергиликтүү бийликке жумуштарды сапаттуу бүткөрүүнү жана бардык керектүү шарттарды камсыздоону тапшырды.

Калкты тейлөө борборунда электрондук кезек түзүү залы, мамлекеттик нотариус, ЗАГС бөлүмү, эне жана балага ылайыкташкан бөлмөлөр уюштурулган. Имаратты декабрь айында пайдаланууга берүү пландалган. Мекеме ишке кирсе, Ноокен районунун 148 миңден ашуун калкын ыкчам тейлөө мүмкүнчүлүгү жаралат.