699 Бардыгы /

ОШ. Мамлекеттик камсыздандыруу уюмунун Ош шаары боюнча башкармалыгы тарабынан калаада табигый жана өрт кырсыгынан жапа чегишкен 20 жаранга чыгымдардын ордун толтуруу максатында 3 миллион 296 миң 595 сом кайтарымсыз акча каражаты төлөнүп берилди.

Ош шаардык мэриясынан маалымдашкандай, акыркы саатарда Ош шаарына караштуу Жапалак айыл өкмөтүнүн Орке айылынын тургуну Дастанбек Жакыповдун үйү өрттөнүп кеткен. Ага өз турак жайын камсыздандырганы үчүн 400 миң сом акча каражаты тапшырылды. Мындан тышкары Ырысбек Пиримкулов аттуу жаран лизингке алган ХОВО автоунаасын камсыздандырган экен. А дагы жол кырсыгына кабылгандыктан, ээсине дароо 95 миң сом кайтарымсыз акча каражаты бөлүнүп берилген.

Акыркы маалыматтарга караганда. Ош шаарында жалпысынан 23 миң 490 турак жай камсыздандырылган.

Алишер ТОКСОНБАЕВ, өз кабарчы