480 Бардыгы /

          БИШКЕК. Төрт жыл аралыгында АКШ өкмөтү – АКШнын Эл аралык өнүктүрүү агенттигинин (USAID) «Мыкты Азыктануу» долбоору аркылуу репродуктивдүү курактагы аялдардын жана беш жашка чейинки балдардын тамактануусун жакшыртуу максатынла Кыргыз коомчулугу менен абдан тыгыз иштешти. АКШ өкмөтүнүн, Кыргыз Өкмөтүнүн, коомдук саламаттыкты сактоо уюмдарынын, ошондой эле жергиликтүү жана Ээл аралык өнөктөштөрдүн өкүлдөрү катышкан жыйынтыктоочу иш-чарада долбоордун координаторлору жыйынтыктар жана алынган сабактар менен өз ара бөлүшүштү.

          Кырпгыз Республикасынын Саламаттыкты сактоо министрлиги менен биргеликте 4,6 миллион долларлык USAID «Мыкты Азыктануу» долбоору Баткен, Жалал-Абад, Ысык-Көл облустарында, ошондой эле Бишкек шаарында саламаттыкты сактоо системасында тамактануу кызматтарынын сапатын жана тамактанууга байланыштуу жүрүм-турумду ого бетер жакшыртты. 2019-2023-жылдарга мерчемделген долбоорлор:

• Алты айга чейинки балдарды жалаң эмчек эмизүүнү 22 пайызга көбөйтүүгө, ал эми 0–5 айлык балдардын канттуу, же кайра иштетилген тамак-аштарды керектөөсүн 9 пайызга, ошондой эле 6–23 айлык балдардын ден соолугун чыңдоону 12 пайыызга кыскартууга жана балдардын ден соолугун чыңдоого жана ооруларга туруктуулукту жогорулатууга жардамдашты.  
• Баткен жана Жалал-Абад облустарындагы медицина кызматкерлеринин квалификациясын жогорулатууга жардам берип, аз кандуулукту 20 пайызга азайтууга көмөктөштү.
• 5 000ге жакын коомдук активисттерди жана 2 900 медицина кызматкерлерин тамактануу, аз кандуулук, гигиена, тез жардам көрсөтүү жана эрте билим алуу боюнча окутууга жардам берди. А бул деген 42 000ден ашуун үй чарбаларына пайда алып келди жана Баткен, Жалал-Абад жана Ысык-Көл облустарында эки жашка чейинки болжол менен 24 000 баланы ичине камтыды.
• Энелерге жана жаңы төрөлгөн ымыркайларга оптималдуу тамактандырууну орнотуу үчүн өз убагында жана тийиштүү камкордук көрүүнү камсыз кылган “Балага ыңгайлуу оорукана” демилгеси боюнча медициналык кызматкерлерди окутууга жардам берди. Медицина кызматкерлери 131 000ден ашык консультация беришкен, алар эки жашка чейинки 36 000ден ашык балдарга жана 19 900 кош бойлуу аялдарга таасир этишти.

          Кыргыз Республикасынын Саламаттык сактоо министринин орун басары Арыкбаева Бүбүжан Камчыбековна белгилебедиби: – USAIDдин «Мыкты азыктануу» долбоору Саламаттык сактоо министрлигине олуттуу техникалык жардам көрсөтүп келди, медициналык сапатты жогорулатууга шарт түздү жана анын негизинде балдардын жана энелердин тамактануусун жана ден соолугун жакшыртуу максатын ийгйликтүү ишке ашырды.

          – «Мыкты азыктануу» долбоору Кыргыз калкынын жакшы тамактануусун жана туруктуулугун камсыз кылуу үчүн далилдүү концепцияларды колдонуп, өзү катышкан жамааттардагы тамактануу парадигмасын өзгөрттү, – деп моюндады Кая Адамс, USAID/Кыргыз Республикасындагы Миссиясынын директору.

Кыскасы, дени сак балдар – бул Кыргызстандын бардык жашоочулары үчүн дени сак болчок! Биз ушул тапта дал ушуну азыртан билүүгө жана дагы даана түшүнүүгө тийишпиз!

          Алишер ТОКСОНБАЕВ, өз кабарчы