843 Бардыгы /

БИШКЕК. Кыргыз Республикасынын ИИМдин буйругуна ылайык төмөндөгү кызматкерлер жаңы кызмат ордуна дайындалышты.
ИИМдин басма сөз кызматы билдиргендей, кадрдык потенциал ички иштер органдарынын эң маанилүү ресурсу болуп саналат жана коомдогу негизги социалдык функцияны – мыйзамдуулукту жана тартипти камсыздоону чечүүгө көмөк көрсөтөт.
-ИИМдин Күзөт кызматынын (башкы башкармалык укугунда) башчысы милициянын полковниги Каныбек Абдырахманов ээлеген кызматынан бошотулуп, ИИМдин Кылмыш иликтөө башкы башкармалыгынын башчысы кызматына дайындалды. Ал эми ошол эле буйруктун негизинде, Кыргыз Республикасынын ИИМдин Кылмыш иликтөө башкы башкармалыгынын башчысы милициянын полковниги Оролбек Акпаров ээлеген кызматынан бошотулуп, ИИМдин Күзөт кызматынын (башкы башкармалык укугунда) башчысы болуп дайындалды.
Жаңы дайындалган жетекчилер учурдагы кырдаалга жаңы көз караш менен
карап, көйгөйлөрдү жеринен көрүп, аларды чечүү жолдорун таба алышат.
Алардын алдында бир топ иштер турат, ыкчам тапшырмаларды аткарууга
жаңыча мамиле жасоолору керек.