528 Бардыгы /

Архитектура, курулуш жана турак жай коммуналдык чарба мамлекеттик агенттиги Ош шаарында уруксат кагаздары таптакыр эле жок курулуштардын тизмесин акыры жарыялады. Тизмеде Кыргызстандын Түштүк башкалаасындап салынып бүткөн, курулуп жаткан, же пайдубалы гана казылган бойдон турган 17 турак жай жана аларга ээлик кылган компаниялардын аталыштары жазылган.

Архитектура, курулуш жана турак жай коммуналдык чарба мамлекеттик агенттигисаналган обьектилер боюнча сот иштери жүрүп жаткандыгын дагы эскертип, жарандарды тизмедеги турак жайлардан батир сатып албай турууга абдан чакырды. Анткени, аталган мекеме бир күн мурда Бишкекте 38 турак жайдын тизмесин жарыялаган. Баса, 2023-жылдын февралында Жогорку Кеңештин тармактык комитетинде Кыргызстанда мамлекеттик органдарынын уруксаты жок эле курулуп жаткан көп кабаттуу үйлөрдүн саны 87 экендиги, булардын 34ү Бишкекте экендиги маалымдалган. Соңку маалыматка караганда, буларга дагы төртөө кошулуп, борбор шаарыбыз Бишкете 38 мыйзамсыз курулуш толук катталган.

Бишкек жана Ош шаарларында көп кабаттуу турак жайдан батир сатып алгандар курулуш бүтпөй жаткандыгын жана мыйзам бузуулар болуп жаткандыгын айтышып, а түгүл бийликке алмак-салмык кайрылуу дагы жолдоп келатышат. Жыл башынан бери эаталган ки шаарда тең «Эмаком» компаниясынан үй алгандар катар-катар нааразылык акцияларын дагы өткөрүшкөн.

Алишер ТОКСОНБАЕВ, өз кабарчы