312 Бардыгы /

Шанхай кызматташтык уюмунун (ШКУ) өлкөлөрүнүн башкы прокурорлорунун 22-отурумунун алкагында, Кыргыз Республикасынын Башкы прокурору М.Асаналиев Кытай Эл Республикасынын Жогорку Элдик прокурору Ин Юн мырза менен эки тараптуу жолугушуу өткөрүп, Кыргыз Республикасынын Башкы прокуратурасы менен Кытай Эл Республикасынын Жогорку Элдик прокуратурасынын ортосунда кызматташуу жөнүндө макулдашууга кол коюлду.

КРдин Башкы прокуратурасынын маалымат кызматы билдиргендей,  келишим эки өлкөнүн ортосундагы укуктук кызматташтык, тажрыйба жана маалымат алмашуу жаатында өз ара аракеттешүүнү бекемдөөгө жана эл аралык кылмыштуулукка каршы биргелешип күрөшүүгө багытталган.

Кыргыз Республикасынын Башкы прокурору МаксатАсаналиев эки мамлекеттин көзөмөл органдарынын ишинин натыйжалуулугун жогорулатуу үчүн бул макулдашуунун маанилүүлүгүн белгилеп, кытайлык кесиптештер менен кызматташуу транс улуттук кылмыштарга каршы күрөшүүдө жана жарандардын укуктарын коргоодо жаңы мүмкүнчүлүктөрдү ачаарын белгиледи.

Кытай Эл Республикасынын Жогорку Элдик прокуратурасы макулдашуунун жоболорун ишке ашырууга, анын ичинде эки өлкөнүн прокуратура кызматкерлери үчүн биргелешкен иш-чараларды жана окутуу программаларын өткөрүүгө активдүү катышуу ниетин билдирди.

Кыргыз Республикасынын Башкы прокуратурасы менен Кытай Эл Республикасынын Жогорку Элдик прокуратурасынын ортосундагы кызматташуу жөнүндө макулдашууга кол коюлушу эки мамлекеттин ортосундагы кызматташтыктын жана достук мамилелердин укуктук базасын чыңдоодогу олуттуу кадам болуп саналат.