219 Бардыгы /

Министрлер кабинетинин төрагасынын орун басары – суу ресурстары, айыл чарба жана кайра иштетүү өнөр жайы министри Бакыт Төрөбаев Ош облусуна жасаган жумушчу сапарынын алкагында Кара-Кулжа райоунун эли менен дагы жолугушуп, алардын көйгөйлөрүн жеринде гана тыңдады.

Ушул эле кездешүүдөн соң вице-премьер-министр Бакыт Төрөбаевге жергиликтүү калк Кара-Кулжа районундагы Жаңы-Талаа жана Ылай Талаа каналынын курулуш иштери алгач 2017-жылы, андан кийин 2020-жылы белгисиз себептерден улам токтоп калгандыгын айтышып, көйгөйдү чечип берүүнү өтүнүштү.  Аталган маселе дароо ордунан эле чечилип, Бакыт Төрөбаевдин тапшырмасы аркасында Жаңы-Талаа каналынын курулушуна керектүү атайын техника тартылып, курулуш жумуштары дароо гана жандандырылды.

Белгилей кетчүү жагдай: Кара-Кулжа районундагы Жаңы-Талаа каналы Кара-Кулжа районундагы Каракулжа, Чалма, Ылай-Талаа, Карагуз, Жаңы-Талаа, Кеңеш айылдарынын жерлерин сугат суу менен камсыз болуусун жогорулатат. Ушул тапта Тар суусунан суу алган сыйымдуулугу 0,8 куб метр-секундага жеткен насостук бекетти реконструкциялоо жумуштары толугу менен аяктады.

Алишер ТОКСОНБАЕВ, өз кабарчы