27 Бардыгы /

Акыркы беш жыл бою Ош облусуна караштуу «Өзгөн-Таза суу» муниципалдык ишканасын жетектеген Азамат Дүйшеев Өзгөн районунун акиминин биринчи орун басарлыгына дайындалды. Баса, аймактык жаңы жетекчи – экономист жана юрист кесиптеринин ээси.

Азамат Дүйшеев мамлекеттик салык кызматынын Өзгөн райондук жана Ош шаардык башкармалыгында тескөөчү, Мамлекеттик катттоо кызматында топограф, жеке ишкер, Өзгөн районуна караштуу Ийри-Суу Айыл Өкмөтүнүн башчысы,  Жүргүнчүлөрдү ташуу агенттигинде бөлүм башчы кызматтарын аркалаган.

Айтмакчы, Азамат Дүйшеев Өзгөн районундагы Ийри-Суу Айылдык Кеңешинин эки жолку чакырылышынын дагы депутаты.

Алишер ТОКСОНБАЕВ, өз кабарчы