24 Бардыгы /

Жер титирөөдө өзүн алып жүрүү эрежеси менен таанышып алыңыз. Бул табият кырсыгынын качан жана күчү канча болоорун так айтуу өнүккөн өлкөлөрдө мүмкүн эмес. Андыктан ар дайым баарыбыз сак бололу.

– Эгерде сиз көп кабаттуу үйдүн 1-кабатында же болбосо жер үйдө жашасаңыз, тезинен коопсуз жерге чыгуу зарыл;

– Көп кабаттуу үйдүн экинчи же андан жогорку кабаттарында болсоңуз, имараттан чыгып кетүүгө аракет кылбаңыз;

– Лифт колдонууга жана тепкич менен түшүүгө болбойт;

– Керектүү документтер, буюмдар салынган баштыкты даярдап коюңуз;

– Эң башкысы дүрбөлөңгө түшпөңүз;

– Жер титирөөдө терезеден оолак болууну унутпайлы;

– Негизги дубалдардын бириккен жеринде туруңуз;

– Бийик имараттардын жанында болсоңуз, урандылардан жаракат албаш үчүн ачык жерге баруу зарыл;

– Жогорку кабаттан секирбеңиз;

– Керебеттин жана столдун астына жашынбаңыз;

– Үзүлгөн электр чубалгыларынан оолак болуңуз;

– Өзгөчө кырдаалдардан турак жайыңызды камсыздандыруу зарыл.

– “101 жана 112” кызматтарына маалымат бериңиз.

Айбек ИМАНОВ, Жалал-Абад шаары боюнча ӨКБнүн ӨӨжААБнүн башчысы, майор