15 Бардыгы /

Бишкек шаарынын жана бүтүндөй Кыргызстандын Епискобу Савватий Ош шаарынын мэри Жеңишбек Токторбаевге кайрылуу жолдоду. Анда ал калаадагы Хохлов көчөсүндөгү  эски Орус мүрзөсүн сактап калууну абдан суранды.

 – Орус мүрзөсү  – бул тарых күбөсү. Бул жайга көмүлгөндөрдөн көпчүлүгү  – Ош шаарынын маданиятынын, илим-билиминин жана медицинасынын өнүгүшүнө омоктуу салым кошкондор. Мындан тышкары бул ыйык жайда оор мезгилде Ата Мекенибизди коргогондордун сөөктөрү  дагы көмүлгөн. Эң башкысы: бул жайдаСоветтер Союзунун Баатыры Дмитрий Николаевич Пичугиндин, 1948-жылы Памирди топографияга тартып жүрүп каза табышкан мекенчил инсандардын дагы сөөгү  жатат. Мунун баардыгы Кыргыз эли бүгүнкү  көз карандысыздыгын өз өмүрүнүн куну менен төлөгөндүгүн айгинелейт. Ошондуктан, маркумдарга тийишпеңиздер? Ыраматылыктар тынч жатышсынчы! – делинет Бишкек шаарынын жана бүтүндөй Кыргызстандын Епискобу Савватий Ош шаарынын мэри Жеңишбек Токторбаевге кайрылуусунда.

Бирок, Кыргызстандын Түштүк башкалаасынын жетекчиси Жеңишбек Токторбаев азырынча Бишкек шаарынын жана бүтүндөй Кыргызстандын Епискобу Савватийдин кайрылуусуна такыр жооп ката элек…

Алишер ТОКСОНБАЕВ, өз кабарчы