6 Бардыгы /

ИИМдин Жол кыймылынын коопсуздугун камсыздоо башкы башкармалыгынын Ардагерлер кеңешинин төрагасы, Кулгелди Качкынбыевдин жана Жол кыймылынын коопсуздугун камсыздоо башкы башкармалыгынын башчысы милициянын полковниги Жеңишбек Джоробековдун, ошондой эле жалпы ЖКККББнын аймактык ардагерлеринин  төрагаларынын катышуусунда өлкө башчыбыздын 1-сентябрда күчүнө кирүүчү жол коопсуздугу боюнча койгон тапшырмасын  ишке ашырууга багытталган жыйын өткөрүлдү.
ЖКККББынн басма сөз кызматы билдиргендей, анда буга чейин ардагерлердин катышуусунда  өткөрүлгөн айдоочуларга  карата үгүт-насаат иштеринин жыйынтыгы каралып, мындан арыда  бул багытта жумушту күчөтүү зарылчылыгы эске алынды.
Ардагерлер, бул айдоочулардан жол эрежелерин сурамжылоо саамалыгы жакшы натыйжа берип жаткандыгын айтышып, өлкө башчыбыздын бул багыттагы  койгон тапшырмасы коом арасында колдоого алынып жаткандыгын белгилешти.
Ал эми Башкы башкармалыктын башчысы Жеңишбек Джоробеков өлкө башчыбыздын койгон тапшырмасы бүгүнкү күндө маанилүү болуп жаткандыгын айтып, бул багытта ардагерлерди кызматкерлерибизге көмөк көрсөтүүгө чакырды.
Иш-чарынын жүрүшүндө ардагерлер кызматкерлердин ден соолугун чыңдоочу, күжүрмөн даярдыгын жогорулатуучу машыгуу залдары менен таанышып, өздүк курамга кызматтык милдеттерди так жана абиир менен аткарууга чакырган аксакалдык сөздөрүн айтышты.
Жолугушуунун соңунда кызмат учурунда курман болгон кызматкерлер эскерилип, алардын жаркын элестерине куран окутулуп, түштөндүрүү уюштурулду.