42 Бардыгы /

Кыргыз Республикасынын Энергетика министрлигинин жана “КУЭТ” ААКнын демилгеси менен Жалал-Абад шаарына кубаттуулугу 110/35/6 кВ болгон көмөк чордон курулат. 

Жалал-Абад электр тармактар ишканасынын маалымат кызматы билдиргендей, көмөк чордон куруу зарылдыгы улам жыл өткөн сайын керектөөчүлөрдүн саны кескин өсүп жаткандыктан, шаар ичинде электр энергиясына болгон таңкыстыктан келип чыгууда. Мында 16 МВА күч трансформаторун орнотуу менен Жалал-Абад жана Ключевая көмөк чордондорунан чыккан 6 кВ аба чубалгылардын жүктөмдөрүн азайтат жана керектөөчүлөрдү сапаттуу тейлөөгө шарт түзүлөт. Бул багытта Жалал-Абад шаардык мэриясы тарабынан шаардын Курортная жана Рассвет-1 көчөлөрүнүн кесилишинен 0,7 га жер тилкеси ажыратылып, учурда жерди тегиздөө иштери жүрүп жатат. Көмөк чордон курулуп бүтүп калса, шаар ичиндеги электр энергиясына болгон таңкыстык жоюлат. Куруу иштери Жалал-Абад электр тармактар ишканасынын капиталдык курулуш иш мерчемине киргизилип, 2025- жылдын күз айларына чейин бүткөрүү пландалган. “Кыргызстан УЭТ” ААК тарабынан 20, 0 млн. сом каражат каралган.