966 Бардыгы /

          БАТКЕН. Баткен районуна караштуу Төрт-Гүл суу сактагычында суунун көлөмү 3,5 миллион кубга аз. Бул туурасында Баткен райондук суу чарба башкармалыгынын жетекчиси Султанбек Эрматов ачыктады.

• Быйыл суу жылдагыдан азайды. Анткени, кыш бою чек аралаш

аймактарга тынымсыз суу берилип турду. Болбосо, күз аяктаганда эле жараян токтотулчу эле. Мунун кесепетинен  жылдагыдан 3.5 миллион куб суу аз келип, план быйыл чындап эле аткарылган жок! Өзү Төрт-Гүл – 90 миллион кубдук эле суу сактагыч. Көрдүңүздөр, айыл чарба иштери жанданды. Аргасыздан эми буларга суу берүүнү сөзсүз баштайбыз! – деди Баткен райондук суу чарба башкармалыгынын жетекчиси Султанбек Эрматов.

          Баткен калаасындагы Төрт-Гүл суу сактагычы Баткен шаарынан тышкары дагы Баткен районуна караштуу алты Айыл Өкмөтүн, тактап айтканда, 11 миң гектар аянтты сугат суу менен толук кандуу камсыз этет. Белгилей кетчү жагдай:  жылдан жылга  жаңыдан өздөштүрүлгөн жерлердин аянты уламдан улам кеңейип баратат. Демек, сугат сууга муктаждык дагы аймакта абдан эле жогору.

Алишер ТОКСОНБАЕВ, өз кабарчы