1,371 Бардыгы /

Жалал-Абад. ЭАУ студенти Курстанбек кызы Феруза жаштар арасында өткөрүлгөн алыш күрөшү боюнча дүйнөлүк чемпионатта IIIорунга жетишти.

ЭАУнун кесиптик багыт берүү жана коомчулук менен байланыштар кызматы билдиргендей, К.Ш. Токтомаматов атындагы Эл аралык университеттин (ЭАУ, Жалал-Абад ш.) күндүзгү окуусундагы II курстун “Педагогика” багыты боюнча студенти Курстанбек кызы Феруза жаштар арасында өткөрүлгөн алыш күрөшү боюнча дүйнөлүк чемпионаттын 76 кг салмагында III орунга ээ болуп, коло медалы менен сыйланды. Айтылган чемпионат Алыш күрөшү боюнча эл аралык федерация тарабынан уюштурулуп, Казакстандын борбору Астана шаарында (Нур-Султан ш.) өткөрүлгөн, ага 2002-2004-жылдары туулган жаштар катышкан.

Эскертип кетсек, бул Курстанбек кызы Ферузанын биринчи ийгилиги эмес, ал буга чейин да эл аралык жана республикалык чмпионаттарда, бир катар мелдештерде байгелүү орундарга жетишип, алтын жана күмүш медалдар менен сыйланып келген.