447 Бардыгы /

ЖАЛАЛ-АБАД. Кечээ, 13-августта ата-мекендик «Абдыш-Ата» клубу 2024-2025 сезонунун АФК Чакырык Лигасынын алгачкы баскычы алкагында Ооганстандык «Аттак Энерджи» клубу менен кез келди. Беттеш Жалал-Абад шаарынын «Курманбек» стадионунда орун алды.

Жалал-Абад шаардык мэриясынын маалымат борбору билдиргендей, аталган оюн «Абдыш-Ата» клубунун 2:0 эсебиндеги жеңиши менен аяктады. Голдун авторлору – Атай Джумашев (11′) жана Кайрат Жыргалбек уулу (51′). Ошентип, бул жеңиш менен Кыргызстандын клубу турнирдин тайпалык этабына болгон жолдомону камсыздады.

Тайпалык баскычка чүчүкулак тартуу аземи 22-августта орун алып, анын жыйынтыгында командалар 5 тайпага бөлүнүшөт.