1,923 Бардыгы /

БАТКЕН. Баткен облусунун Кызыл-Кыя шаарындагы №43 жатак абагы акыркы кезде айыл чарба фермасына айландырылууда. Бул тууралуу ЖАМКнын басма сөз кызматынан билдиришти.

Маалыматка караганда, Юстиция министрлигинин Жаза аткаруу кызматынын (ЖАМКНын) Баткен облусундагы №43-жатак абагы дагы өз ийгиликтери менен кубандырууда. Маселен, бул жерде ушул тапта беде чабуу абдан кызуу жүрүп жаткан чагы. Ошондой эле бул аймакта 1 гектарга беде, 1 гектарга жүгөрү жана 2 гектарга пияз эгилген. ЖАМКнын Баткен облусундагы №43-жатак абагынын жетекчилиги аталган тилкелерден мол түшүм алууга эмитен үмүттөрү абдан чоң.

ЖАМКнын башка мекемелерине тапшыруу үчүн мал чарба фермасынан өндүрүлгөн эт алуунун планын ашыра орундатууга дагы абдан кызыкдар. Ошондой эле бул жерде 100 миң даана чийки кирпич куюу кошо пландалууда. Мындан тышкары унаа жуучу жайы дагы калкка кызмат көрсөтүп келатат.

Алишер ТОКСОНБАЕВ, өз кабарчы